ကမ္ဘောဒီးယားနိုင်ငံဆိုင်ရာ မြန်မာသံအမတ်ကြီး ဦးသစ်လင်းအုန်း သည် (၁၆)ကြိမ်မြောက် ကမ္ဘောဒီးယား သွင်းကုန်-ပို့ကုန် ကုန်စည်ပြပွဲ (16th Cambodian and Import-Export Goods Exhibition- CIEGE) ဖွင့်ပွဲအခမ်းအနားသို့ တက်ရောက်ခဲ့ခြင်း (၁၅-၁၂-၂၀၂၃ ရက်)

ကမ္ဘောဒီးယားနိုင်ငံဆိုင်ရာ မြန်မာသံအမတ်ကြီး ဦးသစ်လင်းအုန်း သည် ကမ္ဘောဒီးယား နိုင်ငံ၊ ဖနောင်ပင်မြို့ရှိ Koh Pich Convention and Exhibition Center ပြခန်းမ၌ ကျင်းပပြုလုပ် သည့် (၁၆)ကြိမ်မြောက် ကမ္ဘောဒီးယား သွင်းကုန်-ပို့ကုန် ကုန်စည်ပြပွဲ (16th Cambodian and Import-Export Goods Exhibition- CIEGE) ဖွင့်ပွဲအခမ်းအနားသို့ ပါဝင်တက်ရောက်ခဲ့ပါသည်။
အဆိုပါကုန်စည်ပြပွဲကို ကမ္ဘောဒီးယားနိုင်ငံ၊ ကူးသန်းရောင်းဝယ်ရေးဝန်ကြီးဌာန၊ ခေတ္တ ဝန်ကြီး H.E. KEM Sithan က တက်ရောက်ဖွင့်လှစ်ပေးခဲ့ပြီး မြန်မာနိုင်ငံအပါအဝင် နိုင်ငံပေါင်း (၁၇)နိုင်ငံမှ ကုမ္ပဏီပေါင်း(၁၃၆)ခုတို့က ပြခန်းပေါင်း(၂၃၂)ခု ခင်းကျင်းပြသလျက်ရှိပါသည်။
CIEGE ကုန်စည်ပြပွဲတွင် မြန်မာနိုင်ငံမှ အောင်နေလင်းထွန်း (ကမ္ဘောဒီးယား) ကုမ္ပဏီ လီမိတက်က Genius အမှတ်တံဆိပ် မြန်မာကော်ဖီ ကိုလည်းကောင်း၊ ရွှေဘိုပေါ်ဆန်းအသင်း ဗဟိုက မြန်မာနိုင်ငံ၏ GI ထွက်ကုန်ဖြစ်သည့် ရွှေဘိုပေါ်ဆန်း ဆန်ကိုလည်းကောင်း ပြခန်းများ ဖွင့်လှစ်၍ ခင်းကျင်းပြသ ရောင်းချလျက်ရှိကြောင်း သိရှိပါသည်။